إي نعم، تقدر تحجز تجربة قيادة أونلاين بكل سهولة من خلال موقع شيري الغانم. كل اللي عليك تعبي نموذج طلب تجربة القيادة، وتحط بيانات التواصل الخاصة فيك، وتختار السيارة اللي حاب تجربها. بعد ما ترسل الطلب، بيتواصل معاك أحد أعضاء فريقنا لتأكيد الفرع والموعد اللي يناسبك.

احجز تجربة القيادة اليوم واكتشف بنفسك تصميم السيارة، مستوى الراحة، الأداء، وأحدث التقنيات اللي توفرها شيري.

وتجربة القيادة هي أفضل طريقة عشان تعيش تجربة السيارة على أرض الواقع، وتتأكد إنها تناسب احتياجك قبل اتخاذ قرار الشراء.

إي نعم، تقدر تبدّل أو تثمن سيارتك الحالية عند شراء سيارة جديدة من شيري الغانم.

فريقنا راح يقيّم أو يثمن سيارتك بشكل احترافي، وبعد التقييم بنعطيك عرض استبدال تقدر تستفيد منه عند شراء سيارة شيري الجديدة، عشان تكون عملية التبديل أسهل وأريح.

وللتثمين، تقدر تزور أي من معارضنا في الري، الشويخ، أو الفحيحيل، أو تتواصل مع فريقنا ونرتب لك موعد لتثمين سيارتك.

إي نعم، عندنا خيارات تمويل وأقساط مرنة عشان تسهّل عليك امتلاك سيارة من شيري الغانم، وتخلي تجربة الشراء أسهل وأريح.

فريقنا راح يساعدك ويشرح لك جميع خيارات التمويل المتوفرة، ويختار معاك الحل اللي يناسب احتياجك وميزانيتك.

إذا تبي تعرف أكثر عن عروض التمويل الحالية، أو قيمة الأقساط الشهرية، أو شروط التمويل، تقدر تزور أقرب معرض لشيري الغانم، أو تتواصل معانا على 1831111، وفريقنا راح يكون سعيد بخدمتك.

عندنا 3 معارض لشيري الغانم موزعة بمناطق مختلفة في الكويت، تقدر تزور أقرب معرض لك، وتشوف أحدث سيارات شيري، وتحجز تجربة قيادة، أو تتكلم مع فريق المبيعات.

معرض الري:  طريق الدائري الرابع
احصل على الاتجاهات

معرض الشويخ:  مقابل حلبة سرب.
احصل على الاتجاهات

معرض الفحيحيل:  شارع الدبوس.
احصل على الاتجاهات

كل سيارات شيري الجديدة تيي مع كفالة مصنعية لمدة 6 سنوات أو 200,000 كم (أيهما يسبق)، عشان تعطيك راحة بال وثقة على المدى الطويل.

وزيادة على هذا، تاخذ على المحرك كفالة لمدة 10 سنوات أو 1,000,000 كم (أيهما يسبق)، وهذا يعكس ثقة شيري بجودة سياراتها واعتماديتها.

وبعد، مع الكفالة الدولية، تظل سيارتك مشمولة بالكفالة حتى خارج الكويت من خلال شبكة شيري العالمية.

وإذا حاب تعرف تفاصيل أكثر عن الكفالة أو شروطها، فريقنا حاضر يجاوب على كل استفساراتك.

إذا احتجت أي مساعدة على الطريق، لا تشيل هم. شيري الغانم توفر لك خدمة المساعدة على الطريق 24/7 عشان تكون معاك في أي وقت.

كل اللي عليك تتواصل معانا على 1831111، وفريقنا راح يقدّم لك الدعم والمساعدة بأسرع وقت ممكن.

تشمل خدمة المساعدة على الطريق:

 سحب السيارة: إذا تعرضت سيارتك لعطل كهربائي أو ميكانيكي، راح نسحبها إلى أقرب مركز خدمة معتمد لشيري.

 مساعدة البطارية:  إذا بطارية سيارتك فضت، نوفر لك خدمة تشغيل أو شحن البطارية.

مساعدة الوقود: إذا خلص عليك البنزين، نوفر لك كمية تكفي توصل فيها لأقرب محطة. (قيمة البنزين تكون على العميل).

مساعدة البنشر: إذا صار عندك بنشر، فريقنا يساعدك يبدّل التاير باستخدام الاستبنة الموجودة بالسيارة. (يشترط توفر الاستبنة داخل السيارة)

خدمة المساعدة على الطريق من شيري مصممة عشان تعطيك راحة بال وثقة أكثر، وتضمن إن المساعدة تكون معاك وقت ما تحتاجها.

إي نعم، تقدر تحجز موعد صيانة أونلاين بكل سهولة عن طريق موقع شيري الغانم. كل اللي عليك تعبي نموذج حجز الصيانة وتحط بياناتك، وبعدها بيتواصل معاك فريقنا لتأكيد الموعد اللي يناسبك.
الصيانة الدورية تحافظ على أداء سيارتك شيري، وتخليها تشتغل بكفاءة واعتمادية أعلى، وتضمن لك قيادة آمنة ومريحة مع مرور الوقت.

احجز موعد صيانة سيارتك اليوم، وخلك مطمّن إنها تظل بأفضل أداء وحالة.

وإذا عندك أي استفسار أو احتجت أي مساعدة، فريق الصيانة عندنا حاضر يخدمك بكل وقت.

تقدر تحجز موعد صيانة مع شيري الغانم عن طريق:

عبر الإنترنت : تقدر تقدم طلب الصيانة عن طريق نموذج حجز موعد الصيانة أونلاين، وبعدها بيتواصل معاك فريقنا لتأكيد الموعد وتفاصيله.

عبر الهاتف :اتصل بمركز خدمة العملاء على الرقم  1831111لحجز موعدك.

عبر الواتساب: أرسل رسالة عبر الواتساب على الرقم 1831111 لحجز موعد الصيانة مباشرة.

فريقنا متواجد لمساعدتك وضمان تجربة صيانة سهلة ومريحة.

نوفر خدمات الصيانة في أكثر من موقع داخل الكويت، عشان يكون أقرب مركز خدمة لك دائمًا.

مركز خدمة الري: وفيه كل خدمات الصيانة والإصلاح اللي تحتاجها لسيارتك.

الحصول على الاتجاهات

مركز الخدمة السريعة في الشويخ: فيه خدمات صيانة سريعة، عشان تخلّص شغلك بسرعة وترجع لطريقك.

الحصول على الاتجاهات

مركز الخدمة السريعة في الفحيحيل: يخدم أهل المنطقة الجنوبية، ويوفر لهم خدمات الصيانة السريعة.

الحصول على الاتجاهات

ولأن راحتك تهمنا، تقدر بعد تسوي الصيانة السريعة في عدد من فروع Bumper to Bumper المعتمدة بالكويت:
شرق 
السالمية 
الشعب 

إي نعم، قطع غيار شيري الأصلية متوفرة في الكويت، عشان تضمن أفضل جودة وأداء لسيارتك.

وشيري الغانم عندها متجر مخصص لقطع الغيار، يسهّل عليك الحصول على القطع الأصلية بسرعة وبخدمة موثوقة.

وبعد، ندعم توفر قطع الغيار من خلال مستودع شيري الكبير في جبل علي بالإمارات، عشان نوفر القطع المطلوبة بأسرع وقت ممكن إذا احتجناها.

مع قطع الغيار الأصلية وخدمات ما بعد البيع من شيري الغانم، تقدر تطمّن إن سيارتك بإيد أمينة طوال فترة استخدامها.

عشان تحافظ على أداء سيارتك شيري بأفضل مستوى، ننصحك تلتزم بجدول الصيانة الدورية الموجود في دليل السيارة.

الصيانة المنتظمة تساعد في الحفاظ على أداء السيارة، واعتماديتها، وسلامتها، وتخليها تحافظ على قيمتها مع الوقت.

فريق صيانة شيري راح يتأكد إن سيارتك تحصل على كل الفحوصات والخدمات المطلوبة باستخدام قطع غيار شيري الأصلية وعلى أيدي فنيين متخصصين.

وإذا حاب تحجز موعد صيانة أو عندك أي استفسار، تقدر تحجز أونلاين أو تتواصل معانا على 1831111.

تقنية شيري سوبر هايبرد (CSH) هي تقنية شيري الهجينة القابلة للشحن، وتجمع بين قوة المحرك الكهربائي ومرونة محرك البنزين، عشان تعطيك أفضل توازن بين الأداء والكفاءة. والنظام يبدّل تلقائيًا وبكل ذكاء بين الكهرباء والبنزين حسب طريقة القيادة، عشان تستمتع بقيادة سلسة وأكثر توفيرًا.

تم تطوير تقنية CSH عشان توفر استهلاك أقل للوقود، ومدى قيادة أطول، وأداء قوي، مع قيادة هادئة ومريحة. وبفضل الدمج بين المحرك الكهربائي ومحرك البنزين عالي الكفاءة، تحصل على استجابة سريعة مع توفير أكبر في استهلاك الوقود.

ومع شيري سوبر هايبرد، تقدر تستمتع بمزايا القيادة الكهربائية بدون ما تشيل هم مدى البطارية مثل السيارات الكهربائية بالكامل، وهذا يخليها خيار مناسب سواء لاستخدامك اليومي أو للخطوط والسفر.

تقدر تستمتع بتقنية شيري سوبر هايبرد (CSH) في كل من TIGGO 9 CSH وARRIZO 8 CSH.  اكتشف كل طراز وتعرّف على المزايا والتقنيات اللي يقدمها.